Home » Ta sigui cu bon palabracionnan pa eleva calidad di nos nursenan

Ta sigui cu bon palabracionnan pa eleva calidad di nos nursenan

by Admin
0 comment 68 views

Dr. Horacio E. Oduber Hospital a firma MoU cu VUmc

ORANJESTAD, Aruba: Desde aña 2010 cada 5 aña Dr. Horacio E. Oduber Hospital y VUmc Vrije Universiteit di Amsterdam ta cera un acuerdo pero cada biaha ambos instancia ta bini hunto pa pasa door di e MoU pa mira si tin cambionan of no y pa firma esaki. Dia 17 di April ultimo, ambos instancia a reuni y a firma e MoU pa por sigui traha hunto. Hospital ta traha riba 2 tereno cu VUmc, esta riba tereno medico pero tambe e tereno di educacion specialisa.

Director di Cuido di Hospital, sr. Ezzard Cilié, a duna di conoce cu pa nan e parti di educacion ta hopi importante, di cual mayoria educacion pa specialismo ta sosode den Hospital mes. Tur aña ta haci un evaluacion pa mira con e ultimo aña a bay y kico lo haci p’e siguiente aña.
Hospital y VUmc a firma un “addendum” y esaki ta duna nan un idea kico lo bay haci riba e tereno di educacion medico y educacion profesional di nursenan. Tur esaki a palabra den e firmamento, esta kico tur lo haci otro aña.

Chirurg Oncoloog y Presidente di e Comision di Educacion, Dr. Deepu Daryanani, tabata presente na e firmamento di e MoU cu VUmc y a duna di conoce cu na aña 2010 a cuminsa cune. E prome prolongacion di MoU tabata na 2015 y cada aña e instancianan ta topa otro pa defini kico exacto ta e contenido di e MoU p’e aña siguiente. A firma e addendum te cu Mei 2019, a dicidi kico lo haci cu e studiantenan cu ta sigui estudio di medicina na Hospital di Aruba.

VUmc ta un partner importante pa Hospital, manera AMS Academie, cu ta acopla na e medical centrum. E Universidad ta yuda Hospital cu tur educacion specialisa na Aruba, a duna di conoce. Hospital recientemente a cera un acuerdo cu EPI y despues di e scol aki ta sigui cu specialisacion. Esey ta e parti cu VUmc y AMS Academie ta yuda hospital cun’e, asina Ezzard Cilié a duna di conoce.

Director di Educacion di VUmc, Margreeth van der Meijde, a firma e MoU cu Hospital pa otro aña. Nan tin palabracionnan y den e MoU tin poni e acuerdonan p’e siguiente aña over e cantidad di dokternan cu lo haci nan stage. Ta trata di un total di 87 y Aruba ta un destinacion hopi popular, asina Margreeth van der Meijde a duna di conoce. Aruba tin hopi cos di ofrece, pero specialmente e Hospital y e manera con e specialistanan por guia e dokternan hoben. Tambe e oportunidad pa nan por siña hopi cos cu ta importante p’e estudio. Tambe den e MoU tin un parti cu ta indica cu nan ta brinda educacion di nurse den Hospital pa “katheterisatie” di curason, nurse di mucha y otro.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio