Home » Auto robes para door di polis na Santa Cruz

Auto robes para door di polis na Santa Cruz

by Admin
0 comment 80 views

Santa Cruz – Diahuebs anochi ariba caminda di Paradera pa Piedra Plat, direccion Santa Cruz por a mira polisnan cu sirena bayendo.

E motibo tawata cu informacion a drenta na polis cu den cierto auto color cora, y cu tal number di auto tin hende busca pa husticia.
Esaki tawata den careda di 9’or pasa.

Varios unidad a bay Tao Bao Store na Tanki Flip unda lo a señala e auto.
Na yegada di e unidadnan, ya e auto a bay.

Ariba caminda di Paradera pa Piedra Plat, un agente a mira e auto aki bayendo direccion Santa Cruz.
Mes ora varios patruya a bay direccion Santa Cruz, caminda cu den e bocht unda antes tawata warda di polis a stop e auto aki.

Tur ocupante a wordo baha, y a ponenan ariba vloer.
Ora agentenan a tira un miho bista, a resulta cu no ta e personanan cu tawata wordo busca.
Esnan busca sa tin arma di candela ariba nan, pesey asina hopi polis a wordo manda pa e caso aki.

Despues cu a constata cu no ta e personanan busca, a laga nan bay.
Pa loke ta e auto, esey si polisnan a kita paso su papelnan no tawata ordo.

Esnan cu ta wordo busca ta dos ruman homber, bon conoci di husticia.

Diabierna atardi Mei 4 pa mas o menos 3’or, patruya di Polis a detene un di e rumannan Croes cu tawata wordo busca. Esaki a sosode na Sabana Basora.
Ela wordo entrega den man di recherchenan di Santa Cruz.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio