Home » Parlamentario Alan Howell Un danki na e polis cu mi ta considera un heroe kitando 4 handgranaat fo’i circulacion

Parlamentario Alan Howell Un danki na e polis cu mi ta considera un heroe kitando 4 handgranaat fo’i circulacion

by Admin
0 comment 67 views

Parlamentario Alan Howell cu sentimentonan di aprecio y orguyo pa cu e trabou realisa pa Cupero Policial, a indica cu awo mas cu nunca e ta sinti un satisfaccion grandi di por a presenta e mocioni di gevarenpremie pa entre otro polisnan.

Durante tratamento di presupuesto di Pais Aruba 2018 den Parlamento, e parlamentario di POR cu sosten di e fraccionnan di coalicion a presenta e mocion cu ta urgi gobierno pa bin cu un ‘Gevaren Premie’ pa luna riba salario di esnan cu ta cay bou categoria di Algemene Opsporingsambtenaar y di esnan cu ta cay bou categoria di Bijzonder Opsporingsambtenaar, Douane, Personal di CEA den KIA y Bewakers di KIA, Guarda Nos Costa y Brandweer den e menor tempo posibel. E mocion aki a wordo aproba tambe.
Alan Howell ta bisa “e cos ki no ta wega shonnan. Un polis ta pone su bida na peliger pa scapa su pueblo kisas di un desaster. Hopi biaha nos ta lubida cu polisnan tambe ta yiu di mama y tata”.

Por a mira con recientemente con un miembro di Cuerpo Policial a bay e extra mile pa detene un persona ilegal cu pa colmo 4 handgranaat riba dje. “Tur hende por imagina con robes cos por a bay durante di e detencion of si e bandido aki lo a logra scapa di e agente policial aki. Ami Alan Howell kier a gradici e agente policial aki di curason pa scapa nos pueblo di un desaster y pa e curashi cu el a demostra door di expone su bida y no a worry cu a resulta herida pa logra detene e bandido exitosamente.

Mi ta considera e polis en cuestion aki un heroe. Pabien tambe na e otro agentenan cu tambe a detene algun ilegal den un forma relampago”, Alan Howell a finalisa.

*Riba potret por mira con e brasanan di e agente a keda despues di e detencion

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio