Home » Awor cu presupuesto ta aproba lo bay acelera e proceso di helicopter

Awor cu presupuesto ta aproba lo bay acelera e proceso di helicopter

by Admin
0 comment 84 views

Durante e movemento di ilegalnan na costanan a sinti falta di por tin helicopter na disponibilidad segun Minister Bikker
Den fin di siman largo di fiesta tanto cuerpo policial como ministerio publico tabatin su mannan yen cu varios acontecimento segun Minister di Husticia, mr. Andin Bikker. Esun cu tin mas atencion di e minister ta di personanan cu a drenta Aruba na un manera ilegal via boto via costa. Den e proceso di polis despues di un par di ora, a detene un par di persona di cual un di nan tabatin cierto artefacto di indole militar explosivo cune. Segun Minister Bikker, awor cu a aproba presupuesto tin espacio pa e fondonan y activa cierto plannan di emergencia y esun cu lo bay acelera ta e proceso di helicopter. Diamars den oranan tempran di mainta ora cu ta tin cierto movemento na e costanan a sinti falta di por tin na disponibilidad un helicopter. Los di esey ta bay haya cierto autonan cu a busca specialemnte pa kust surveillance.

Via un protocol lo bay acelera e ayudo di Marina Real pa vigila Aruba su costanan segun Minister Andin Bikker
Hopi biaha nos hendenan no ta realisa cu ora tin acontecimentonan grandi por haci apelacion riba asistencia di Marina Real riba varios caso. Por ehempel e caso di e dos rumannan den luna di november di aña pasa, pueblo por corda cu a pidi asistencia di militaire bijstand di Marina Real pa yuda busca un di e rumannan di cual ta hopi gradici pa esey segun Minister Bikker. Na otro ocasion a yega di haci uzo di militar pa casonan ilicito. E ta un protocol cu a bin ta formalisa y ta haciendo un peticion pa por acelera e peticion pasobra e proceso tin su formalidad. Segun Minister Bikker ya caba a yega na un acuerdo den Conseho di Minister y conhuntamente den un conversion cu Gobernador. Loke esaki ta bay contene, cu por haya asistencia di militaire bijstand di Marina Real pa caso specifico. Diamars ultimo a haci un palabracion pa explora e dimensionnan pa mira kico por bira militaire bijstand pa duna Aruba y den e caso aki a pensa riba tres dimension. Awor aki e Commandant di Marina Real ta na Corsou pa bay den conversion cu General de Veen pa wak kico ta e dimensionnan cu por duna asistencia riba dje. Segun Minister Bikker, un di nan ta helicopter cu tin staciona na Corsou y pone mas disponibel pa vigila e area espacial di Aruba e costanan. E di dos, pone mas patruya di kustwacht di Marina riba lama pa vigila nos costanan. E di tres, señala esunnan cu tin menos bon intencion. Si por corda hopi tempo pasa, tabatin cierto menasa di indole militar/paramilitar y tabatin patruyanan di KPA combina cu Marina Real pa e situacion aki. Si mira den pasado tabatin precedente caba y manera ta conoci a bin haya den fin di siman un persona cu a drenta ilegal cu artefactonan militar explosivo riba dje ta pone cu mester pone mas atencion na e situacionnan aki. E situacion aki no solamente ta un preocupacion pa Aruba so pero tambe Reino Hulandes segun Minister Bikker.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio