Saca un potret, post esaki riba facebook y participa pa gana premio!
ORANJESTAD – Recientemente Aruba OHIL Club a inicia cu su campaña di consientisacion den trafico. Esaki ta den forma di un sticker, esaki ta pa plak riba auto, pa consientisa nos comunidad cu si bo bebe no stuur y ora bo ta stuur no text como cu tur dos bo por haya un multa y hasta e lo por tin consecuencia nan fatal. E campáña aki ta uno di prevencion y Aruba OHIL Club ta kere den preveni envez di lamenta. E ta den man di cada uno di nos pa contribui na un trafico mas sigur pa nos tur.
Aruba OHIL Club ta invita nos comunidad pa forma parti di e campaña di concientisacion y asina participa pa gana diferente premionan manera: bon di gasoline, dinner, massage, beauty salon certificate y mucho mas. Pa fin di Mei lo saca e promer ganadornan y asina lo sigui tur fin di luna te cu fin di December.
Den su promer salida e miembronan di Aruba OHIL Club a reparti 500 sticker. Tur esnan cu a ricibi nan sticker ta haci un apelacion na nan pa pega e sticker, saca potret y post esaki riba nos facebook page https://www.facebook.com/groups/arubaohilclub/
E sticker mester wordo geplak den cercania di e plachi number di auto patras pa asina e number di auto sali riba e potret cu lo wordo poni riba facebook. E ganadornan lo wordo publica den medionan tur fin di luna y e doño di e auto cu e number registra lo ricibi su premio.
Si bo no a haya bo sticker ainda keda pendiente pa e proximo dia cu lo reparti. Pa mas informacion por tuma contacto cu miembronan di directiva di Aruba OHIL Club, Ferdinand Curiel 5945212, Carla Martinus 5973174, Geraldine Frank 6608278, Junior Arends 7460428