ORANJESTAD, Aruba – E aña aki un biaha mas Aruba Bank a sostene Kite Slam Anual cu a tuma luga riba e dianan di 26, 27 y 28 di April na veld di SC United na Boegoeroei. E evento tabatin un bon acogida di participante.
Tur esunnan cu tabata presente a disfruta di e flinan cu tabatin den diferente categoria. Desde oranan trempan competidonan y publico a yega veld pa asina participa y mira e competencia tan gusta di fli di diferente tamaño. Durante e competencia e muchanan tabata encanta pa mira e flinan bunita.
Manera tur aña tabatin fli cu cabuya a kibra, a haya problema pa subi of a sak den otro, tur participante y publico tabata contento di a mira 3 dia di competencia di fli. Aruba Bank ta contento di por a forma parti un biaha mas den e evento anual di “Kite Slam” di SC United.