Accidente ariba Schotlandstraat a laga un dama turista herida

Schotlandstraat – Diadomingo mainta polis a bay ariba Schotlandstraat, unda ABC Tours ta situa pa un accidente.

Ambulance tambe tawata na caminda of lo a yega prome cu polis, mirando cu tawata tin hende herida.
Na e sitio e agentenan a compronde lo siguiente.

Dos dama turista lo a caba di rent un UTV na ABC Tours, pero no a pone atencion momento di a subi caminda.
Y pa mala suerte, tawata tin trafico yegando for di panort, un Suzuki Van.

Por bisa un impacto basta fuerte, caminda e turista pasahero a resulta herida.
Personal di ambulance na yegada di polis, ya tawata cla pa transporta e dama direccion Hospitaal.