115
Pos Abou – Diadomingo marduga pa mas o menos 3:45 varios patruya a wordo manda ariba e parkeer plaats di Emotions Nightclub, pa un pelea grandi. Un rato despues a ser bisa cu posiblemente lo por tin arma di candela envolvi.
Na yegada di patruyanan, a constata cu tawata tin problema entre e securitynan y un pareha.
Segun nos a compronde, aparentmente nan no a permiti e muhe drenta e club.
Ey ta caminda cu e muhe bou influencia a dal un muhe na e sitio, no ta conoci si aki por ta trata di un security femenino.
Polis na varios ocasion lo a bisanan pa move di e sitio, pero nann no tawata sigui ordo di polis.
Nan a wordo deteni, ora cu a cuminsa insulta polisnan.
E muhe ora a pone den patruya, e tawata asina agresivo y bou influencia cu ela
dicidi di kibra e glas di patruya cu su sapato.
Na yegada di transportwagen, a pone e dama den dje y sali rumbo warda di polis.
Den e transportwagen e tawata keda haci fastioso, door di keda skop.
Na yegada na warda di Playa, e homber basta agresivo tawata insulta tur hende, por a mira tambe cu e tawata soda profusamente.
Su pareha, esta e dama a wordo hiba warda di Santa Cruz.
Na yegada, e no por a para ariba su pianan y a slip.
Ela keda encarcela pa maltrato y destruccion.
Pa loke ta e homber, ora ela calma den oranan di mainta e por a bay cas.