Home » Segun Minister Chris Romero: Implementacion di cannabis medicinal ta rekeri estudionan profundo

Segun Minister Chris Romero: Implementacion di cannabis medicinal ta rekeri estudionan profundo

by Admin
0 comment 76 views

Uzo di cannabis medicinal ta tumando hopi forsa mundialmente. Mas y mas ta e paisnan cu ta legalisando e uzo medicinal di e planta aki pa yuda esunnan mas vulnerabel door di nan estado di salud. Esaki ta un realidad creciente mundialmente y como tal aki na Aruba Gabinete Wever-Croes a institui un comision di experto pa sondea e miho opcionnan pa por haci uzo di cannabis medicinal aki na Aruba.

Minister Chris Romero ta enfatisa cu “teniendo na cuenta e pensamento cu nos Prome Minister ya caba a duna di conoce riba e asunto di uzo medicinal di cannabis na Aruba, mi ta di opinion cu e ta na su luga pa duna espacio na e comision encarga cu e analisis, haci lo necesario y realisa tur estudio corespondiente pa asina por yega na un conclusion definitivo riba e topico di cannabis medicinal”.

Mientras cu na diferente pais den nos hemisferio y na Europa tin estudionan extenso cu a keda realisa caba riba e tematica di legalisacion di cannabis, Minister Romero ta di opinion cu no por lubida cu “estudionan haci na otro paisnan no necesariamente ta aplicabel pa nos pais. Nos mester por compronde cu cada pais tin un medida diferente ora ta regarda impacto socio economico. Como tal, nos mester por haci nos propio estudionan encuanto implementacion di cannabis medicinal na Aruba, pa asina por yega na un structura corecto pa su uzo den pashentnan cu mester di dje na nos pais”.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio