Home » Minister Chris Romero na ocasion di e inauguracion di ImSan su ‘Masterplan’ E renobacion y ampliacion di servicio na ImSan ta un beneficio directo pa San Nicolas y Aruba completo

Minister Chris Romero na ocasion di e inauguracion di ImSan su ‘Masterplan’ E renobacion y ampliacion di servicio na ImSan ta un beneficio directo pa San Nicolas y Aruba completo

by Admin
0 comments 83 views

Teniendo semper e ser humano central, Gabinete Wever-Croes ta sigui incentiva desaroyo na bienestar di nos comunidad.
Dunando contenido na nos prioridad principal, cu ta e bienestar di nos pueblo, a celebra e comienso di e proyecto di renobacion y ampliacion di ImSan na San Nicolas.

E proyecto aki lo bay inclui salanan di operacion ambulatorio y hospitalario, servicio di radiotherapie bestraling (cual ta algo cu te ainda no ta ofrece na Aruba), tratamento y operacion di wowo cu te ainda no ta brinda na Aruba mes, pero tambe lo bay ekipa e area nobo aki cu un CT Scanner nobo.

Tur e mehoracion y modernisacion cu ImSan lo pasa aden den e siguiente lunanan lo traduci den un empuhe mas pa Aruba, pero specialmente pa e pueblo di San Nicolas.
Minister Dangui Oduber ta haciendo su maximo esfuerso pa por brinda nos pueblo e servicio medico cu tanto nos mester cu semper nos tabata merece.

Un pabien na tur esunnan cu ta haciendo e proyecto aki posibel pa nos Aruba.
Nos pais merece e miho y nos Gobierno semper lo keda cu e proposito pa trece proyectonan cu nos comunidad lo por beneficia berdaderamente cu nan.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio