Kustwacht a sigui Nissan March sospechoso den Colony, dos ocupante a logra huy

Colony – Diadomingo marduga durante cu Kustwacht tawata controla den Colony, un auto lo a “blokia” nan.

Tawata trata di un Nissan March color shinishi, nan a sigui e auto aki cu a yega na un dead end.
Dos persona cu tawata den auto lo a sali core bay.

Polis tambe a yega pa yuda, caminda nan a controla e vehiculo.
A busca tambe pa e dos personanan, pero sin resultado.

Polis a confisca e Nissan March pa mas investigacion.