Parlamentario Michael Lampe Minister Otmar Oduber ta desvia pregunta riba Boutique Hotel den Parke

Diabierna Minister Otmar Oduber a contesta preguntanan cu a wordo haci na dje riba e.o. e tema di Medio Ambiente.
Parlamentario di AVP Michael Lampe a keda decepciona den e contestanan. E ta bisa cu niun momento e mandatario a duna un contesta directo na e pregunta cu el a haci na dje riba e establecimento di un Boutique Hotel den Parke Arikok.
Lampe ta bisa cu su pregunta na e Minister tabata uno simpel: si e ta na altura di e plan pa establecimento di un Boutique Hotel den Parke, si e ta un plan di dje, si e ta na altura di e plan aki, y duna un splicacion di kico e ta encera.
“Pero den su contesta e Minister ta crea e percepcion cu e ta desviacion di duna un contesta.
” El a keda draai papiando cu si gerente haya e tereno of no. Pero Lampe ta insisti cu e no kier sa di plan di e gerente,pero kier sa si ta dje kico ta su pensamento unda cu a ta tratando di haya tereno di Parke p’asina Gobierno por pasa esaki over pa crea Boutique Hotel.
“Mi ta kere cu mi a haci un pregunta serio, cu mester keda al caso, y Minister mester bini padilanti den media pa duna un splicacion riba e tema aki.
“Nos kier ta sigur cu nos Medio Ambiente ta protegi y cu nos ta anda cun’e na un manera responsabel y nos mester keda vigila e situacion aki,” Lampe a bisa.