Home » Parlamentario Endy Croes di MEP: Nos a drenta un siman pisa unda lo mester atende cu e crisis heffing pa corigi e desaster grandi cu AVP a laga atras

Parlamentario Endy Croes di MEP: Nos a drenta un siman pisa unda lo mester atende cu e crisis heffing pa corigi e desaster grandi cu AVP a laga atras

by Admin
0 comment 73 views

Parlamentario Endy Croes ta splica cu e siman aki lo bay ta un siman pisa. Durante e siman aki presupuesto 2018 lo mester wordo aproba pa asina e cana su caminda y bay Gobernador pa wordo formalisa den cuadro di palabracionnan promer cu 30 di April 2018. Croes ta splica cu no ta un decision facil pero despues di a sondea tur manera mester conclui cu mester bin cu un crisis heffing temporal. Momento cu Coalicion a tuma over e gobierno 17 di November 2017 a cuminsa haya mesora e promer señalnan di cuentanan gigantesco cu na e momentonan ey no tabata wordo paga. AZV, ATA, Comerciantenan cu a brinda servicio na gobierno y asina por sigui menciona. Mester a bay parlamento pa aproba un prestamo di 130 MIYON florin pa paga cuentanan habri y placa cu AVP a malgasta durante campaña. No mester lubida cu Mike Eman a festeha su cumpleaños riba e brug y a book esaki pa pueblo paga un total di Afl.142 mil florin riba un solo anochi. Un homber chikito cu un salario minimo di Afl.1700 florin pa luna mester traha 7 aña largo pa alcansa e suma di Afl.142000 florin. Si nos papia di e debe nacional cual na 2008 tabata 41.7% di GDP di acuerdo cu rapport oficial di Banco Central, esaki a redobla den 8 aña danki na e maneho iresponsabel di AVP y a alcansa 93% di nos GDP. Esaki kiermen cu di cada florin cu drenta caha di gobierno mediante belasting, 93 cent ta comprometi pa paga debe y gobierno actual mester haci milager cu e 7 cent cu ta resta pa paga tur empleado y rond pais Aruba. Un mision imposibel cu AVP a laga atras. Coalicion a hereda un desaster nunca bisto. No obstante esaki a traha un plan pa rescata Aruba y saca nos pais for di un abismo y rand di bancarota. E compromiso y nos FE ta grandi y cu e boluntad di pueblo nos lo percura den e proximo 4 añanan di Coalicion pa sanea Aruba y trece bek e felicidad den curason di nos hendenan. Siman pisa den porta pero e ta pa e causa mayor y e causa comun.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio