Jaburibari – Diasabra marduga pa mas o menos 2:20 polis ta bay ariba e caminda di Jaburibari.
Ariba e caminda aki, hopi mas panort di Parke Curason un auto lo a bolter.
Polisnan na yegada a topa cu e vehiculo mey mey caminda, un auto cu bo no por a mira ki sorto di auto of marca e tin.
Asina destrosa e auto a keda ariba su dak.
Dos ocupante jong
Den e auto un pareha jong, y hopi spanta di loke nan a caba di pasa aden.
E dama tawata na joramento y e cabayero tawata mustra manera zonza y milagrosamente nan a sali cu solamente algun rasca.
Polis mirando con e auto a keda a opta pa un ambulance bin e sitio, y controla ambos.
Velocidad halto a hunga un rol grandi den loke a pasa.
E Sante Fe bayendo nort direccion bocht di Calabas, na un bahada ta perde control completo di e auto debi na velocidad hopi halto.
E auto ta kita bay na su man robes, caminda cu e ta cuminsa ranca cadushinan un cura di transha.
Despues pa bay keda ariba e dak mey mey caminda.
Dios tawata cu e pareha aki.