Home » Parlamentario Edgard Vrolijk di MEP: “E area di deporte a ser laga na caya pa e ultimo 8 añanan debi na un maneho deficiente”

Parlamentario Edgard Vrolijk di MEP: “E area di deporte a ser laga na caya pa e ultimo 8 añanan debi na un maneho deficiente”

by Admin
0 comment 76 views

Diahuebs nos a cuminsa cu tratamento di presupuesto 2018. Mi persona a dirigi mi mes riba e area di deporte. Un area cu a ser laga na caya pa e ultimo 8 añanan debi na un maneho deficiente. Dos minister cu a hiba un maneho deportivo incidental unda cu solamente esnan cu ta di mesun signatura ta haya of tin di tuma e ayudo aki a cambio di sr. Eman haci su show. Un gobierno cu a dedica na malgasta placa den sponser equiponan di deporte di otro pais manera e equipo di Sparta Rotterdam, mientras cu e infrastructura deportivo a keda bay atras y unda awendia tur caminda bo pasa bo por wak den ki mal estado nos terenonan deportivo y nos stadionnan con mal teni nan ta.

Mehora infrastructura deportivo
Mas tristo ta cu bo tin un fundacion Lotto pa Deporte cu tin placa di nos deportistanan como rehen pa nan beneficio personal mientras equiponan deportivo ta carece di material y unda cu cada entrenador tin di saca di nan saco p’asina nos hobenanan por sigui haci deporte. Mi enfoke tabata pa Minister inventarisa y bin cu un maneho planifica unda cu por mehora e infrastructura deportivo. Y sigur como ehempel mi a duna Minister cu nos companianan estatal por yuda cu mehoracion di esaki. Pakico mi ta bisa esaki? Si por a strica placa di Utilities pa Green Conference y pa deskundig advies y no a crea ningun cupo di trabao, por a dedica esaki na deporte y nos hobennan.

Malgastamento placa di pueblo
Un lista di placa benta afo: Phillips $2.599.119 (4.739,234), Reapertura Valero 529.330, Al Gore, Richard Branson, Jose Maria Fiquera (3 miyon), Deskundig advies 12.170,170, Wubbo Ockels 600.000, Paxi y Tera Group 700.000, WEB: 75.000 pa Green Conference cu ta suma 21.813,734. Sin conta ainda tur huur y tambe pago di hotel pa organisa esaki y sigur sin conta cu Horizon Consultancy 1,2 miyon florin pa sr. Richard Arends cu ta suma mas o menos den total 23 miyon florin, Y si por haya tur otro gastonan envolvi den esaki, mi ta kere cu esaki lo surpasa 30 miyon florin. Si nos por a usa e suma aki awendia, tur veld rond Aruba lo ta di 5 strea cu luznan LED pa yuda cu rebaho di coriente y cu turf y sin conta cuanto parkenan recreativo por a traha cu esaki sin conta mas proyectonan deportivo pa nos hobennan y drecha e infrastructura deportivo di scolnan.

Ta di lamenta cu a haci mal uso di fondonan di pueblo pa por beneficia un grupo di amigonan cu a bira miyonario y awendia nos ta hinca cu un crisisheffing mientras lamentablemente nos hobennan y nos deportistanan a sali esnan mas perhudica.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio