Home » Parlamentario Edgard Vrolijk di MEP a entrega 3 mocion di cual dos ta regarda deporte y uno social

Parlamentario Edgard Vrolijk di MEP a entrega 3 mocion di cual dos ta regarda deporte y uno social

by Admin
0 comment 73 views

Durante e reunion di Parlamento, mi persona como parlamentario a entrega 3 mocion di cual dos ta regarda deporte y uno social. E dos mocionnan deportivo ta pidi minister pa cuminsa di inmediato cu inventarisacion di infrastructuranan deportivo y escolar, traha un plan concreto, aloca fondo pa mehora esaki y tambe tene cuenta cu esnan cu falta di infrastructura pa por haya ayudo tambe. Alaves a pone enfasis pa converti Colony y Malmok den un sportzone unda cu esnan cu ta haci uso di e zona aki entre 4 y 7’or di anochi ta ser protegi. Tambe mi a pidi Minister pa regla e fietsstrook den ley pa asina por protega esnan di ciclismo. Mi persona kier pa e pueblo por ta mas consciente y duna ciclismo pero tambe esnan cu ta haci movecion sano nan lugar y nan proteccion.

Social
Den comunidad tin dos grupo di persona cu limitacion cu no ta haya bijstand of no ta haya lo husto. E grupo aki ta esnan cu limitacion permanente cu ta bay keda cerca por ehempel un mayor cu ta cobra pensioen. No por haya bijstand pa e personanan cu limitacion permanente y tambe esnan cu tin bijstand y ora nan yiu bira mayor di edad y haya trabao ta perde esaki. Tambe bo tin e grupo cu limitacion temporario cu no por ser aloca den sector laboral.
Pa cu esaki a traha un mocion pa nan investiga e grupo aki y busca un solucion y alaves cambia e Landsbesluit Bijstandsverlening AB1988 no 88 y alaves reinforsa Trampolin pa por sigui aloca esnan cu limitacion temporal den sector laboral.

Asina nos ta sigui haci nos trabao na un nivel halto na bienestar di nos pueblo y sigur na bienestar di nos deportistanan y esnan cu mester di ayudo den nos sociedad.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio