Minister a crea problema serio pa centro multi disciplinario Parlamentario Marlon Sneek

Relaciona cu tratamento di presupuesto 2018 di pais Aruba, un delegacion di fraccion di AVP consistiendo di lider di fraccion Marlon Sneek y parlamentario Jennifer Arends Reyes, a efectua un bishita na centro multi disciplinario pa atende cu e maneho stipula pa Minister di Enseñansa di e actual gobierno di coalicion.
Despues di e bishita sr Sneek a mustra cu tin gran preocupacion pa e forma con e Minister nobo di enseñansa kier maneha e centro aki y a pone menos placa disponibel den presupuesto 2018 cu lo pone henter funcionamento di e departamento aki na peliger.
Gabinete Mike Eman y II a percura pa creacion di e centro aki pa garantisa mas atencion net e hobennan aki di cual na hopi ocasion ta papa di nan, e centro aki ta yuda na duna atencion na comportacion di e muchanan aki cu algun ya for di kleuter caba ta cuminsa pone atencion riba comportacion di e muchanan aki y ta pone atencion na cualkier aspecto cu por bira un problema pa e mucha su comportacion den futuro.
Sinembargo awor por mira cu den presupuesto di gobierno e minister nobo di enseñansa tin menos preocupacion pa bienestar di e centro aki y ta pone existencia di e entro aki na peliger.
Sigur creando un situacion cu menos mucha lo bay haya e oportunidad di haya e servicio, di haya e cuido y ayudo cu CMD ta brinda den e casonan aki na cada studiante cu ta rekeri esaki.
Parlamentario Marlon Sneek a pone enfasis riba e importancia di e centro aki cu tin un rol importante den comunidad cu situacionnan cu ta presenta den e parti educacional di muchanan, cu por ta materia cu tin un retraso riba dje, e por ta e parti di un situacion social na cas, pero den tur faceta den bida di un mucha na scol, MDC ta e instancia cu ta duna ayudo.
Lamentablemente por mira cu minister kier debilita y na momento cu haci esaki, ta menos servicio e centro por duna loke ta nifica cu ta menos mucha lo ricibi asistencia y ayudo.
Esey ta loke a resalta durante di e bishita di fraccion di AVP na e centro y sr Sneek a mustra cu lo bay atende cu esaki debidamente durante di e reunion publico pa trata presupuesto.
No ta algo cu a cuminsa recientemente pero tabatin un estudio haci na 2005 y na 2011 a traha e edificio di e centro, a saca di MDC saca esaki for di bou di DPS y haci’e un instituto riba su mes cu su propio presupuesto pa sigura su continuidad pero awor por mira con minister ta hinca man den presupuesto di e centro aki y ta pone existencia di e centro aki na peliger, Parlamentario Marlon Sneek a splica.