Home » EMBAHADOR DI SUECIA CU BISHITA DI CORTESIA NA ARUBA TOURISM AUTHORITY

EMBAHADOR DI SUECIA CU BISHITA DI CORTESIA NA ARUBA TOURISM AUTHORITY

by Admin
0 comment 83 views

Oranjestad – Recien Oficina di Turismo a ricibi bishita di embahador di Suecia -estableci na Hulanda- Sr. Per Holmström. El a wordo compaña pa director di Directie Buitenlandse Betrekkingen, Sr. Edwin Abath.

Durante e encuentro ameno, a intercambia pensamento y informacion referente di e importancia cu e mercado Europeo tin pa Aruba su turismo pero tambe e desaroyo di e mercado di Suecia y naturalmente e desaroyo en general di turismo.

Pa loke ta Suecia, esaki a representa un mercado di casi 6000 bishitante durante 2017. Pa e prome kwartaal di 2018 a mira un crecemento di 5.4%, cu ta 125 bishitante mas pa Aruba procedente di e pais aki. Importante di e mercado di Europa en general, ta cu bishitantenan ta keda average mas largo durante nan estadia, 11 anochi, mientras cu bishitantenan di Suecia ta keda un average di 12 anochi.

Pa loke ta 2017, Europa a crece cu 5% y pa loke ta prome kwartaal di 2018, tur mercado a crece y a conduci na e hecho cu e mercado Europeo den su totalidad a crece cu 6%.

Dentro di Europa, Suecia ta e di cuatro mercado mas fuerte pa Aruba.

Ta bon pa remarca, cu den e mercado aki Aruba ta posiciona como un destino hip y trendy, algo cu embahador Holmström tambe a confirma di locual el a percibi.

Riba potret por mira Per Holmström, Ronella Tjin Asjoe-Croes y Edwin Abath.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio