Diamars mainta 17 april a tuma lugar un control di trafico na diferente parti di nos isla. E intencion di esaki ta pa incentua mas e visibilidad di Cuerpo Policial ariba caya. Diferente departamento a uni pa haci esaki manera Departamento di Trafico, Surveillance Dienst San Nicolas, Motor Unit, Flex Team, K-9 Unit, Departamento di Transporte Publico, BFO/Afpak Team, CEA y Cuerpo Policial Aruba.
Den Total tabata tin 42 persona cu a tuma parti di e control di trafico aki.
A duna 242 multa durante e control di trafico. Loke a resalta mas tabata:
Rijbewijs, seguro, belasting, nummerplaat, faha de seguridad, keuringskaart. Esakinan tabata e puntonan cu mas a resalta cu no tabata na orden.
Den total 38 auto a wordo tuma den beslag pa incumplimento di documentonan nesecario.
16 persona cu a wordo haya ilegal.
2 detencion relaciona cu droga (LVM).
tuma 3 sakito di marihuana den beslag.
AWG. 2800 florin, 500$ y 280 gram di marihuana.
Cuerpo Policial Aruba den cooperacion cu diferente departamentonan lo sigui haci e controlnan aki. Sea conciente y responsabel pa bo tin bo documentonan na ordo. Mas visibilidad di polis riba cay pa seguridad di nos comunidad.