Turistanan disgusta, despues cu antisocialnan a kibra v-car pa horta

Klipstraat – Diasabra parti mainta polis a wordo manda altura di e Misa e Protestant, e parti cu ta cay pa Klipstraat.
Na yegada nan a topa cu un auto Kia Rio v-car.

Glas banda di chauffeur a wordo kibra y antisocialnan a rommel den e auto, pero no a bay cu nada paso no tawata tin nada pa horta.

Turistanan sumamente disgusta

Na e sitio por a scucha e turistanan cu tawata cu e auto expresa nan disgusto, indicando cu ta nan prome biaha na Aruba y mira kiko a pasa.
Segun nos a compronde, nan lo no bishita e isla nunca mas.
Un experiencia malo y cu a sosode te hasta den dia cla, aunke e no mester pasa mes ariba nos Isla.