Den su bishitanan na diferente departamento cu ta resorta bou di su ministerio, Prome Minister a bishita Bureau Rampen Bestrijding. Director Suplemente di e Departamento, Señor Rino Hermans a duna Prome Minister un splicacion amplio di e desafionan y e preparacionnan di Aruba pa cualkier eventualidad.
Un tema cu a wordo toca ta e tema di e refugiadonan di Venezuela na unda Prome Minister a haya mas informacion di e plannan cu actualmente ta den preparacion.
Señor Hermans a elabora riba con Bureau Rampen Bestrijding ta preparando pa calamidadnan manera un horcan y e trainingnan grandi cu e Departamento a organisa recientemente entre otro e training di tsunami.
Prome Minister a remarca cu apesar cu e Departamento tin un falta di personal enorme, toch nan ta bon prepara pa cualkier eventualidad y ta trahando e base pa yega na solucionnan entre otro pa e tema di refugiadonan cu Venezuela.
