Despues di tawata mara pa 45 minuut, habitantenan ta bati alarma cu nan a wordo atraca

Ponton – Diadomingo anochi laat den careda di 10:50 un otro atraco ta tuma luga.
Esaki ta wordo notifica na polis, despues di casi 45 minuut cu e 3 atracadornan a bay di cas.

E momento eynan e habitantenan a logra los, paso nan a wordo mara paden di e cas. Dos di e tres atracadornan segun nos a compronde tawata arma.

Nan a bandona e adres den un Kia Picanto color blanco, cu e plachi number A-3280.
Atraco team y BFTO ( departamento tecnico di polis ) a wordo pidi na sitio.