Wilhelminastraat – Diasabra mainta polisnan atento ta para un auto Kia color blanco, altura di e bus halte chikito.
E auto lo a wordo para, segun nos a compronde pa motibo e lo a haci algun maniobra straño.
Den e auto tawata tin 5 persona di nacionalidad Venezolano, nan no por a mustra autoridad nan papelnan di estadia.
Pues e momento eynan nan no tawata tin nan documentonan.
Guarda Nos Costa a word pidi, pa asina nan bay cunan y na oficina controla si nan tin papelnan si of no.
Loke a hala nos atencion tawata, e manera cu nan ta bisti ta mustra cu nan lo ta trahando den construccion un caminda.
Por a mira den e auto saco di cuminda, pa come merdia nos ta calcula.
Pa loke ta e chauffeur, e tin algun dia so na Aruba como turista, y ya ta fungi como chauffeur hibando hende rond.
E auto a wordo poni na warda di polis, pa e doño por pasa buske.
