Bringamosa – Diaranson marduga algo prome cu 1’or patruya hopi atento di Santa Cruz ta topa cu un Hyundai Tucson, para na banda di caminda na Bringamosa.
Algo cu no tawata mustra normal, pa un auto habri para eynan den oranan ey.
Agentenan a baha y a cuminsa controla. Den algun minuut, den e mondi na banda di e auto ta bin haya un plantacion di marihuana.
Na e sitio nan ta topa cu un hoben y e ta wordo deteni mes ora.
Mientrastanto mas patruya a yega pa yuda, paso lo no ta 1 persona so eytrasnan e ora ey.
Pick up di polis a wordo pidi, y tur loke a wordo haya relaciona cu e hayasgo aki a wordo hiba warda. Loke ta e Hyundai Tucson esaki tambe a wordo confisca. E hoben a ser hiba warda.
Algun rato mas laat polis ta topa cu dos otro hoben, cu tambe tawata tin di haci cu e matanan haya. Polis lo a topanan den Franse Pas.
Ambos a wordo deteni y nan tambe a ser hiba warda di Santa Cruz.