Tanki Leendert: Diasabra algo prome 1’or di marduga, polis ta wordo manda cu urgencia na un adres na Tanki Leendert pa un caso serio di hinkamento. Varios unidad di polis ta bay na e sitio.
Na yegada, enberdad nan ta bin topa cu un homber herida y full su carson tabata na sanger. E homber a wordo hinka na su zij banda robes y enberdad tabata sangrando bastante. E victima tabata na tino y a duna polis descripcion di e persona cu a hinke. Na prome instante a pensa cu e agresor lo a bandona e sitio, pero despues a resulta cu e agresor ainda tabata na e cas.
Polisnan na e sitio mesora a deteni e agresor y cu transportwagen di polis ela wordo transporta pa Warda di Shaba. E victima despues cu personal di ambulance a trat’e, nan a transporte cu urgencia pa hospital.
