Oranjestad – Aruba
Horario Sospechoso Acto Castigabel
08.15 J.S.H. Uitspraak.
08.15 J.P.E.
P.S.F. Uitspraak.
08.15 G.A.C.M.
R.C.F. Pro forma. M. y F. ta wordo acusa di a mata un persona dor di dal e un of varios biaha cu forza na su cabez den e periodo di 21 di november 2017 pa 24 di november 2017.
M. y F. ta wordo acusa di a causa varios biaha lesion grave na e persona aki (esta, wesonan kibra) dor di dal e cu forza cu man of mokete, palo di basora of slof durante e periodo di prome di augustus 2014 te 20 di november 2017.
M. y F. ta wordo acusa di a intencionalmente mata un di dos persona dor di dal e cu su cabez un of mas biaha cu forza na su cabez, a consecuencia di cual e persona aki a cay cu su cabez contra un pochi di wc, den e periodo di prome di september 2017 pa 31 di oktober 2017.
M. y F. ta wordo acusa di a intencionalmente causa varios biaha lesion grave na e di dos persona aki (esta, ribchinan kibra) dor di dal e cu forza cu man of mokete, palo di basora of slof durante e periodo di prome di augustus 2014 te prome di september 2017.
F. ta wordo acusa di a laga e dos personanan aki varios biaha y intencionalmente den un estado desampara (mientras F. tabata sa cu nan tabata wordo maltrata gravemente y cu frecuencia pa M. y cu nan no por a defende nan mes) dor di keda sin actua na ora y/of dor di keda sin hiba nan na un lugar safe na ora y/of dor di keda sin proteha nan y/of dor di keda sin duna nan ayudo medico y cuido medico adecua, loke tabatin lesion grave y nan morto como consecuencia.
M. ta wordo acusa di a maltrata F. durante e periodo di prome di augustus 2014 te 24 di november 2017 dor di dal e cu man of mokete, palo di basora of slof.
M. ta wordo acusa di a dera, sconde, transporta y desparce e curpa di e prome persona menciona den e citacion aki, cu e intencion pa sconde e hecho y causa di su morto den e periodo di prome di september 2017 te 31 di oktober 2017.
09.00 T.J.V.G.
R.J.D.C.
F.J.G.
R.A.M.D.
K.J.T. Pro forma. V.G. y D.C. y G. y T. ta wordo acusa di, conhuntamente cu un otro of otronan, ladronicia cu violencia di un gran cantidad di joyas cu tabata pertenece na un joyeria y un persona riba 26 di augustus 2017.
E violencia tabata encera cu a punta un arma di candela riba dos persona, a mara e mannan di un di nan cu un dashi y a dal e cu mokete na su cabez, y a dal e otro persona cu e cabo di e arma di candela na su cabez.
V.G. y T. ta wordo acusa di, conhuntamente cu un otro of otronan, ladronicia di un pick-up riba 26 di augustus 2017.
T. ta wordo acusa di, conhuntamente cu un otro of otronan, ladronicia cu violencia di un gran cantidad di joyas di un joyeria y un persona y un compania riba 30 di november 2016.
E violencia a encera cu a mustra un arma di candela na un y of tres persona y a punta e arma riba dos di nan.
09.30 T.M.P. P. ta wordo acusa di, conhuntamente cu un otro of otronan, a menaza un y/of dos persona cu morto riba 6 di december 2017, dor di bisa nan: “What are you doing here? Go away, because we are selling drugs” y a punta un arma di candela riba nan.
E ta wordo acusa di posesion di un arma di candela y balanan den e periodo di 6 di december 2017 pa 8 di december 2017.
E ta wordo acusa di ladronicia di un auto na luna di mei 2017 y e ta wordo acusa di ladronicia di un bateria di auto riba 7 di juni 2017.
10.15 T.E.M. M. ta wordo acusa di kiebro y ladronicia den un cas di paña y bodysprays riba 31 di januari 2018.
E ta wordo acusa di kiebro y ladronicia den un cas di dos laptop y un cartera riba prome di maart 2018.
E ta wordo acusa di intento di kiebro y ladronicia den un otro cas riba e mes prome di maart 2018.