Home Local Parlamentario Endy Croes Aportando cu ‘Aruba Doet’ na veld di Savaneta...

Parlamentario Endy Croes Aportando cu ‘Aruba Doet’ na veld di Savaneta Ballpark

Savaneta: Diabierna y diasabra ultimo e proyectonan di “Aruba Doet” tabata ON. Parlamentario Endy Croes a aporta na Savaneta Ballpark unda hunto cu boluntarionan a traha riba e dak di e tribuna.

A cambia den total 14 plachi pa asina restaura e tribuna den su totalidad. E motornan tras di e veld aki, tanto Jacenta Thijsen como nos amigo Jani ta traha incansabelmente pa asina por facilita nos hobennan un lugar pa practica deporte.

E veld sinembargo mester di mas ayudo y lo bay traha un plan pa gradualmente traha riba e tereno aki pa asina por dun’e un facelifting. Danki na tur e boluntarionan cu a duna un man.