Home Police Polisnan atento ta para auto cu varios persona indocumenta den area di...

Polisnan atento ta para auto cu varios persona indocumenta den area di hotelnan

SHARE

Palm Beach – Dialuna marduga den careda di 1:45 polis ta para un Chevrolet Corsa color cora, na e bushalte tegenover di Casa Tua den Hot Zone.
Den e auto 4 homber.

Momento cu a bay pa controlanan un di nan a sali core bay, mientras a logra wanta e restonan.
Motibo pakiko a para e auto aki, nan tawata keda circula dilanti e area di hotel. Esey a lanta sospecho, principalmente den e ora ey.

Di un of otro manera polis a haya sa cu nan indocumenta y ta pa e motibo ey e compañero di nan a core bay. Mes ora a pidi refruerso di mas patruya.

Doño di e auto tambe a keda deteni, mirando cu den e auto a haya un cantidad di joyas. Pues loke nos a compronde mayoria den e auto ta personanan indocumenta y posiblemente buscando malo pa haci laat den e area turistico.

Takelwagen a wordo pidi y tur detenido a wordo transporta pa warda di Shaba.
Un bon trabou di polisnan atento ariba caya.