Chauffeur bou influencia ta keda deteni despues di a dal cu su auto contra un cura di cas

Diasabra pa mas o menos mey anochi, un patruya di polis ta wordo manda na un cas pazuid di Colegio San Antonio pa un auto cu a dal contra un cura di cas y e chauffeur lo tabata levemente herida

Na yegada enberdad e patruya ta topa cu un cura di cas parcialmente kibra y un Nissan Cube Cora cu basta daño material, aparentemente e chauffeur di e Nissan Cube den e bocht pa un motibo of otro a perde control y a bay dal contra e cura di cas.

E chauffeur no tabata herida pero si tabata mustra cu tabata bou influencia, e agentenan na e sitio a detene e chauffeur y a transporte pa warda di polis pa haci test di alcohol.