Home Lifestyle Vocero di Aduana hunto cu su Director, a confirma noticia di e...

Vocero di Aduana hunto cu su Director, a confirma noticia di e mangel cu a circula siman pasa ariba rednan social

SHARE
????????????????????????????????????

Oranjestad – Aruba
Diahuebs mainta Marlin Wout Persvoorlichter di Adouna a duna prensa informacion, di e noticia cu a core rond siman pasa di mangelnan gummy cu a drenta Aruba. Di parti Aduana ta lamenta cu e informacion saca a crea panico y consternacion ora cu e noticia a sali di un fuente no oficial.

Ela confirma cu un pasahero procedente di Newark, lo a tawata tin dos saca di e mangel gummy pa su propio uso. Cada un tawata 250gram. E pasahero a wordo deteni y entrega na e departamento concerni.
E mangelnan ta contene THC, cu ta prohibi aki na Aruba pero ta legal den algun parti di Merca, manera Newark.THC ta e werkzamstof cu tin den Marihuana, segun Director Ricky Croes.

Personal di Aduana haciendo nan trabou a kita e Gummys nan yama Unforgedibles

Unforgedibles

Segun Sra. Wout nan lo bay ta mas alerto awor, di vuelonan cu ta bin di Newark caminda e THC ta legal den productonan.

Aduana lo bay tene reunionnan cu otro departamentonan manera A.T.A, A.P.A y Airport mes, pa asina nan avisa viaheronan cu productonan cu ta contene THC ta prohibi aki na Aruba.

Segun Sra.Wout nan ta kere cu nan tin di bay informa mas lihe awor ariba “catchnan” aki, pa asina informa pueblo di Aruba debidamente.