Home Local RBC Ta Lansa Tarheta di Platinum Visa Extraordinario

RBC Ta Lansa Tarheta di Platinum Visa Extraordinario

SHARE
????????????????????????????????????

Tarheta Platinum nobo di primera clase ta ofrece programa di rewards flexibel y extraordinario

Oranjestad (Diamars 6 di februari 2018) – RBC Royal Bank (Aruba) N.V. a introduci dialuna un tarheta nobo y extraordinario na Aruba: e RBC Rewards Visa Platinum credit card. E carchi Platinum nobo ta ofrece flexibilidad, seguridad y acceso na e programa di RBC Rewards pa cliente comercial y priva.

Pierre Rafini, Country Manager di RBC Aruba a bisa: “Cu e introduccion di nos RBC Rewards Visa Platinum credit card nos ta desvela un mundo di oportunidad pa nos cliente, nos partnernan y pa RBC, pa motibo cu nos tarheta nobo ta ofrece rewards extraordinario pa nos cliente. Rafini a sigui splica: “E mundo financiero ta evoluciona rapidamente, cu tecnologia y deseonan di nos cliente cu ta cambia aun mas lihe. Nos mester anticipa riba e cambionan di expectativanan constantemente y den e mundo di awe nos mester ta flexibel y agil pa nos por mantene relacionnan fuerte cu nos cliente y nos partnernan. E tarheta nobo di primera clase ta representa e envolvimento cu nos cliente pa ofrece productonan mehora y servicionan cu ta anticipa riba e necesidad cu ta evoluciona constantemente.”
David Mendez, Senior Director International Cards di RBC a informa cu tur tarheta Platinum nobo tin chip y contactless tecnologia cu ta garantisa e nivel mas alto di seguridad, proteccion y convenencia pa tur compranan cu e cliente ta haci. Ademas nos programa di Rewards no tin restriccion pa biahe y nos cliente tin tur flexibilidad pa skoge con nan kier uza nan reward points. E tarheta Platinum ta ofrece beneficio extraordinario pa cliente comercial y priva, como seguro de biahe, “Concierge Services” y otro oportunidad pa colecta y cambia rewards mas lihe. Mendez a sigui bisa: “Nos ta contento pa partner un biaha mas cu Visa pa ofrece e tarheta di RBC Rewards Visa Platinum y duna balor na nos cliente na Aruba. Nos colaboracion cu Visa ta cumpli cu un di nos obhetivonan principal pa nos ta enfoca riba nos cliente y pa mehora e servicio completo cu nos ta ofrece nos cliente”.

Cliente existente por skoge pa upgrade nan caarchi actual di Visa Classic of di Visa Gold pa un tarheta di RBC Rewards Visa Platinum, of mantene tur dos caarchi si nan ta prefera. Cliente nobo tambe por aplica pa e tarheta Platinum y gana punto di rewards cada biaha nan ta haci cumpra cu e tarheta. Pa un tempo limita cliente cu ta aplica di biaha por obtene 15.000 bonus points. Pa mas informacion of pa aplica por bishita nos website: www.rbcroyalbank.com/caribbean/ar/everyday-banking/credit-cards/credit-cards.html