Oranjestad – Aruba
Pa loke ta trata Green Corridor, nos ta den nos ultimo fase unda cu CIC/Odinsa a haci un evaluacion
siman pasa riba e brug situa na Spaans Lagoen, pa asina determina den ki estado e brug ta. Den
transcurso di siman nos lo bin informa nos comunidad ariba e evaluacion akinan.
Tin hopi reunion ta tumando lugar entre CIC/Odinsa y Contracting Authority (CA) pa asina por
presenta un plan pa yega na un Availibilty Certificate.
Watty Vos Blvd
Den e caso di Watty Vos Blvd hopi preocupacion tin, encuanto e rotonde na Cumana. Ta asina cu un
compania di Hulanda yama Forteck a bin haci un estudio, pues a midi e topografia pa asina determina
kiko ta e pasonan necesario cu mester tuma lugar pa asina garantisa e fluho di trafico. Awe 1 di
februari 2018 nos organisacion lo sinta cu e gerencia di Mota & Engil pa trata e topico akinan.
Alabes mester menciona cu e caminda entre Bushiri y Free Zone ta den ful construccion y e prome
capa di asfalt a wordo poni caba riba e caminda entre Sero Patrishi – Tanki Leendert, y Tanki Leendert
– Ponton y ta trahando riba e pida nan entre Bushiri – Caya di Pos. Tambe nos kier agrega cu otro
siman dia 5 di februari 2018 lo bay cera e caminda di Caya Punta Brabo pa asina asfalta esaki, den
trancurso den siman lo delibera mas ariba e topico akinan y pa fin di otro luna lo bay cera e cruzada di
Superfood pa asina por cuminsa reconstrui den un rotonde.
Permiso di construccion
Nos ultimo topico tabata trata di un maneho nobo di Minister di Infrastructura a bin cune esta Cero
Tolerencia ariba construccionnan illegal y uso di espacio publico sin permiso.
E proceso pa haya un permiso di construccion ta lo siguiente:
E persona mester check kiko ta e destinacion di su tereno of huurcontract y a base di esaki traha su
mapa di loke e kier construi. Ta entrega e peticion pa permiso di construccion na DOW, manera e
mapa haya un aprobacion di DOW, e persona por cuminsa construi, prome cu esei no ta permisibel.
Depende di e destinacion y e mapa e ta wordo manda Brandweer pa asina e wordo controla y despues
e lo bolbe wordo manda DOW pa e tin su ultimo control.
Por ultimo nos di DOW tin comprencion y ta brinda cooperacion na tur cliente/personan cu no ta
comprende e ley of iregularidad di e maneho akinan. Sinembargo nos ta habri pa duna informacion/
clarificacion na nos comunidad den e materia akinan. Nos tey pa guia e desarollador/ clientenan den e
proceso pa haya un permiso di construccion.