Parlamentario Rocco Tjon: Recordando Betico Croes: E gran lider cu semper a pone Aruba na prome lugar.

Riba dia 25 di Januari, nos ta celebra un fecha cu sigur ta hopi special pa nos isla Aruba. Esaki ta e dia cu nos ta conmemora nacemento di e lider politico carismatico, defunto Gilberto François (Betico) Croes. Tur cu sa e historia di politica di Aruba sa kico tur Betico a logra pa nos isla y kico esaki a y ta nifica pa nos.
Ta di sumo importancia tambe pa tene e historia di nos Libertador bibo door di conta y educa e futuro generacionnan, y tambe esunnan cu ta escohe Aruba como nan hogar.
Como politico hoben, mi por bisa cu el a impactami hopi, no solamente pa loke el a logra haci, pero mas aun pa con como partiota, semper a lucha pa e bienestar di Aruba como pais, enbes di color politico. Y sin duda su dedicacion y empuhe pa tin un Aruba uni. Central semper tabata e bienester di Aruba y su hendenan, principionan cu mi ta identifica mi mes cune.
Mi ta sumamente orguyoso di por jama Betico Croes un heroe pa nos pais y pa mi mes, y mi lo percura pa haci mi maximo esfuerso, pa asina tambe lucha pa e meta final, un Aruba felis, prospero y fuerte.