Home Politics EMBAHADOR DI ALEMANIA NA DEN HAAG, SR. DIRK BRENGELMANN A BISHITA PROME...

EMBAHADOR DI ALEMANIA NA DEN HAAG, SR. DIRK BRENGELMANN A BISHITA PROME MINISTER

SHARE

Prome Minister sra. Evelyn Wever-Croes, diaranzon mainta a ricibi bishita di Embahador di Alemania na Den Haag, sr. Dirk Brengelmann na unda a toca temanan di interes comun entre otro con por estrecha lasonan economico y turistico entre Aruba y Alemania. Tambe tawata presente Sra. Landa Henriquez consul honorario di Alemania na Aruba y sr. Edwin Abath, director di Relacionnan Exterior.

 

Embahada Aleman ta hunga un rol importante den e proyecto di SDG na Aruba. Actualmente, reunionnan ta tumando luga cuanan ta trata e tema di SDG. SDG, Sustainable Development Goals ta parti di metanan di Nacionnan Uni cu a bin cu 17 metanan cu nan ta desea di logra pa aña 2030. Mas o menos 150 pais a firma un acuerdo pa logra e meta aki. Esaki ta pa logra desaroyo sostenibel pa 2030. Prome Minister ta indica cu e metanan aki ta tin mesun vision di Gobierno di Aruba. Pone e ser humano central y mehora calidad di bida berdaderamente.

 

Esaki ta e prome bishita di sr. Dirk Brengelmann na Aruba y por bisa cu el a keda impresiona cu e informacionnan cu el a ricibi y a expresa su intencion pa keda den contact pa asina continua cu e prome stap aki di establece laso cu Aruba.