ORANJESTAD, Aruba – Mescos cu e ultimo 3 añanan, Nagico Insurances Aruba e aña aki atrobe ta un di e patrocinadonan principal di varios grupo y bandanan di carnaval. E compania di seguro cu mas ta creciendo na Aruba y den Caribe ta partner cu Empire Carnival Group cu su banda Buleria, cu e banda Le Groove y tambe ta partner cu e banda Tsunami. Nagico Insurances ta haci su maximo esfuerso pa partner cu Carnaval, siendo un di e eventonan cultural di mas grandi den nos comunidad. Meta ta pa carnaval por sigui innova, sigui desaroya y sigui crece.
Nagico Insurances tanto na nivel Caribense como na Aruba mes, semper a innova cu servicionan y productonan nobo. E ta e prome compania di seguro pa introduci servicio di Road Service pa clientenan y den fin di aña a lansa su campaña di “Cambia, Spaar & Gana” den cual clientenan por spaar 15% of mas, cu ta representa un averahe di 200 florin pa aña riba nan seguro.
E temporada pa paga number di auto a yega y esaki ta un bon oportunidad pa tur hende mira kico ta e cobertura cu tur hende tin. Cu e campaña cu Nagico Insurances tin awo, un hende lo por spaar 15% riba e premie banda di e no claim discount y lo tin mas rebaho. E pakete di Nagico Insurances definitivamente ta motibo pa evalua un cambio di seguro, pasobra separa di e beneficio cu no ta perde descuento ni paga eigen risico di 150 florin ora di accidente, tambe e confiansa cu e compania di seguro a gana den comunidad relaciona cu su servicio unico di Road Services sin duda ta motibo pa forma parti di e famia grandi di Nagico.
A funda Nagico Insurances na aña 1982 na Sint Maarten y a crece y penetra den mas cu 20 mercado. Nan ta un di e companianan di seguro mas grandi den Caribe Hulandes cu mas di US$ 150 miyon na prima y ta ofrece un di e miho seguro di catastrofe den region. Internacionalmente AM Best a “rate” Nagico como un compania solido. Nagico Insurances a sigui crece adkiriendo British American Insurance Company y awor ta ofrece seguro di bida y medico via e compania Nagico Life.
Aki na Aruba e compania a cuminsa na 2004 y a crece rapidamente, specialmente despues cu na aña 2007 nan tabata e prome y unico compania di seguro cu nan mesun servicio di Road Service. Nagico Insurances tin dos oficina na Aruba, un na Savaneta y otro den Caya Milio Croes na Dakota.