Home Local Meteo a keda cla cu instalacion di sistema militar temporal

Meteo a keda cla cu instalacion di sistema militar temporal

SHARE

Ayera tardi METEO a keda cla cu e instalacion di e sistema militar temporal pa datos meteorologico.
E sistema aki ta un back up cu a bin hunto cu e sistema grandi nobo di observacion di METEO cu ta premira
cu lo wordo instala den comienso di 2018. Manera por corda, na anja 2015 METEO a
encontra cu problemanan di su aparatonan riba pista di aeropuerto unda mayoria di avionnan mericano
cu si tin safety di nan pasajeronan na pecho a cancela vuelonan pa Aruba dor di falta di datos Meteorologico.
Desde di e temporada ei METEO ta bezig cu gobierno pa obtene aparatonan nobo di observacion i un RADAR.
Relaciona cu e aparato di observacion nos ta asina luew cu por instala esun nobo den 2018.
Ultimo lunanan METEO a encontra differente problemanan cu su aparatonan Meteorologico na airport.
Esaki a bin principalmente dor di lamper i biehes di e aparatonan. Pa evita cu nos lo hanja nos atrobe
confontra cu no tin datos Meteorologico cu ta inclui observacionan i pronosticonan pa avionan, a opta pa instala
un sistema sofestica militar temporal.Esaki lo keda functiona banda di e otro dos sistemanan meteorologico bieuw na airport.

E sistema temporal aki ta midi biento, temperatura,humedad, presion atmosferico, awacero, visibilidad, haltura
i cantidad di nubia, tipo di weer i actividad di lamper. E sistema ta traja e observacionan automatico, i unda
si ta necesario e observador di tempo por edit e observacion tambe.

Relaciona cu e sistemanan bieuw METEO lo buska di drechanan.
Ariba e potretnan por hanja un idea di e sistema militar temporal. Manera a indica caba ta premira cu
e sistema grandi nobo lo drenta den funcion den 2018.