Tanki Leendert: Diasabra den careda di 6’or di atardi, varios polis di Oranjestad a sali pa haci un entrada na un adres, caminda lo tin bendemento di droga ta tumando lugar. E polisnan a bay na un adres, cu ta keda un poco pariba di E Snacktruck di Ruiz.
Yegando na e adres nan a cuminsa ta vigila e movecionnan na e cas y a dicidi di pidi autorisacion pa drenta e cas, den e cas enberdad nan a topa bin topa cu diferente tipo di droga cla empaketa pa bende y tambe basta placa cash den e cas, polis mesora a confisca e droga y e placa cash.
Tambe e agentenan policial a detene un dama y un homber cu ta cu ta biba eynan y tambe un dama hoben cu algun dia pasa lo a huy for di un cas na San Nicolas.
Dilanti di e cas tin un pida di palo traha cu for di caminda no por mira ken ta para pafo pa cumpra droga. Patras di e pida di palo traha, tin un bentana estilo drive thru, e bentana tin un pida chikito habri caminda ta entrega placa y haya e droga.