Oranjestad – Durante aña 2017 y tambe den futuro lo por observa cu e programa di certificion, Aruba Certifcation Program (ACP), ta den un etapa di crecemento. Esaki den forma di colaboracion cu diferente partner den industria turistico incluyendo sectornan manera sector hotelero, compania di tour y tambe restaurant y horeca en general. ACP no solamente a sa di traha cu partner den sector turistico pero tambe ta colaborando cu instancianan den sector publico y NGO’s.
E team di ACP ta sumamente honra di por conta cu e sosten di diferente miembro di gerencia cu como tambe Recursonan Humano. Na unda tur instancia cu ta participa den e programa ta recononce e importancia di inverti den e Capital Humano di e organisacion pa asina logra tanto metanan financiero como tambe no financiero. ACP ta enfocando riba importancia di e hende den e industria y con esaki ta forma e base di cualkier forma di exito. Durante e programa tambe ta enfoca ariba e tema di autenticidad, excelencia den servicio y tambe sostenibilidad. Un pregunta constructivo cu ta wordo haci ta: Con autentico bo Organisacion ta? ‘Kico bo organisacion ta haci pa promove sostenibilidad?Kico ta excelencia den servicio?
Den forma interactivo ta toca temanan esencial y ta ricibi informacion elabora di e participante.
Pa aña 2018 ACP lo sigui cu e fase di crecemento y lo brinda tanto partnernan den sector turistico como priva y publico un programa aun mas atractivo y cu un enfoke mas extenso. Tur cu e meta pa guia organisacionnan activo den esector turistico of cu conexion cu e sector aki pa por yega na nan meta, esta di ta competitivo y exitoso.
E team di ACP ta sumamente honra di por conta cu sosten di varios partner den e sectornan menciona. ACP ta invita tur esnan cu no ta familiar cu e programa di certificacion of cu lo kier sa mas pa bishita e website di ACP, www.acp.aw of bishita e Facebook page, Aruba Certifation Program. Tambe por yama pa haya mas informacion na oficina di ACP: na: 280-2924.