Home Politics Gabinete Wever-Croes: Bestuurskantoor a wordo bendiciona pa Obispo Secco y Pastoor Totti

Gabinete Wever-Croes: Bestuurskantoor a wordo bendiciona pa Obispo Secco y Pastoor Totti

SHARE

Dialuna tabata un dia bendiciona pa Gabinete Wever-Croes caminda cu tabata e prome dia di trabou pa e gobierno aki na Bestuurskantoor. Prome cu mandatarionan a drenta den nan respectivo oficinanan den Bestuurskantoor, nan a haya bendicion di Obispo Secco y Pastoor Totti dilanti di e edificio pa ricibi tambe e bendicion y guia di Dios pa nan cumpli cu nan trabou debidamente y pone Aruba na prome luga.

Hunto cu Obisbo Secco y Pastoor Totti, mandatarionan a drenta Bestuurskantoor. Henter e edificio y cada oficina y camber a wordo bendiciona mientras nan tabata resa pa e bienestar y proteccion di Gobierno y pueblo di Aruba.

Obisbo Secco a enfatisa e importancia pa keda uni den e trayectoria di trece bon gobernacion pa nos pais sabiendo cu e retonan di gobernacion no ta facil pero cu forsa divino y dedicacion y union lo logra vence tur obstaculo.