128
Matividiri – Diabierna algo prome cu mey anochi, durante cu e patruya di Santa Cruz tabata patruyando, nan ta bin topa na matividiri un poco pazuid di e crusada, cu un Suzuki Baleno color Blanco, e auto aki tabata para riba caminda y e chauffeur tabata morto na soño tras di stuur sinta.
Mesora e patruya a para su tras y na momento cu e polisnan a bay pa lanta e homber, aparentemente mal turdi e la dal e auto den reverse y a bay dal contra e auto di polis cu tabata para su tras.
E homber tabata basta bou influencia, mesora polis a detene y ela wordo transporta cu transportwagen di polis, pa warda di polis na Santa Cruz.
E specialista di trafico cu tabata na turno a bin haci mas investigacion, mirando cu ta trata di un auto di polis. Na prome instante a pidi pa presencia di takelwagen pa hiba e auto na warda di polis, pero mirando cu no tin niun caminda di pone mas auto den cura di e wardanan di polis, a dicidi di lague auto para canto di caminda.