127
Esmeralda – Diabierna anochi den careda di 11:30, polis ta bay un adres na Esmeralda pa un homber cu a drenta den un cas cu cuchiu.
Mes ora varios unidad a cuminsa bay e sitio.
Informacionnan tawata sigui drenta y a loke nos a compronde tawata lo siguiente.
Un homber di nacionalidad Dominicano y arma cu un cuchiu, ta esun cu a drenta e cas.
Esaki segun su ex, cu tawata den e cas ey y caminda tawata tin muchanan presente.
Den e susedido aki un persona a wordo corta na pia door di e mes un homber aki, cu a huy despues.
E persona cu a wordo a corta a resulta di ta un cabayero, cu a haya un corta basta bon patras di pia. Ambulance tambe a wordo notifica.
Loke nos por deduci di e caso aki ta cu, ta trata di un caso di jaloersheid, cu lo por a caba den e un drama passional.
Na yegada di ambulance nan a bay paden y despues e cabayero herida a bin pafo y a subi den ambulance, caminda nan mester a bay atende.
Pa loke ta e agresor nos ta kere cu e lo wordo deteni hopi lihe, mirando cu e dama a duna polis tur datos di e persona.