ORANJESTAD – Iniciativa pa Desaroyo pa Empresa Arubano (Idea) kier invita tur esnan cu tin un negoshi existente of cu ta den proceso pa habri un negoshi, pa asisti na Idea su workshop “Basic workshop on the Importance of Trademark for SMEs” dia 23 november venidero.
E orador, sra. Wini Dirksz (Trademark Specialist), lo presenta e siguiente topiconan:
- Kico ta Trademark;
- Ki tur ta wordo permiti como Trademark;
- Kico ta e criterianan pa entrega un peticion pa Trademark na Oficina di Propiedad Intelectual (OPI);
- Ki ora un peticion pa Trademark no ta wordo honra;
- Informacion tocante e ley di marca (merkenverordening) y etc.
Workshop ta completamente GRATIS y ta tuma lugar na Departamento di Asuntonan Economico, Comercio y Industria na Sun Plaza, di dos piso di 9.00 am pa 12.00 pm.
Pa tur empresario existente of cu ta den proceso pa habri un negoshi y cu kier atende e workshop aki mester inscribi via email: [email protected] of via telefoon: 521-2439/521-2440.
Cupo ta limita, registra na tempo!
Abo tin un Idea? Hasi bo Idea realidad. Bishita Idea na Departamento di Asuntonan Economico, Comercio y Industria, na Sun Plaza di dos piso, y nan lo yudabo cu tur informacion y guia necesario.