Home Entertainment Shakira: “Pa motibo di problema di salud, mi a biba e momentonan...

Shakira: “Pa motibo di problema di salud, mi a biba e momentonan mas dificil di mi carera”

SHARE

Despues di a cancela siman pasa conciertonan cu lo a inicia su tour “El Dorado” den Europa, e cantante a anucia diamars ultimo via su representantenan cu e la haye obliga pa pospone si gira na Europa te 2018, pa motibo di un problema cu su stembanden.

E intrepete di ” La bicicleta”, “Chantaje” y “Me Enamore”, a publica ariba su Twitter Account, caminda e ta pidi disculpa na su fansnan y ta splica tambe den detayes su problema di salud.

E Colombiana a conta cu Juli ultimo ela hasi un check up di su stembanden y tur cos tawata ok, sinembargo Oktober, cosnan a cambia.

“Durante e recta final di mi trainingnan, ma sinti manera un ronkio no usual cu tawata strobami di canta. Dokternan a bin detecta un hemorragia na stemband rechts”, ela splica.

Shakira a agrega cu dokternan a bise pa e descansa su voz, pa asina e recupera na tempo pa e Tour, pero a problema a continua: “Desafortunadamente e hemorragia no a cura ainda y mi nightmare ta sigui. Y caminda cu actualmente mi ta hayami den un bataya duro pami por recupera”.

“Ma hayami ta biba e momento mas duro di mi carera. . . Di tur e añanan cu mi tin cantando, hamas ma hayami den un situacion manera esaki”, e artista a bisa.

Ela sigui bisa cu, awor e mester duna su curpa algun siman pa por recupera completamente.

“Mi ta spera di por supera e prueba duro aki y ta bek ariba stage mas liher posibel pa asina scucha mi stem uni cu e esunnan di boso”, e comunicado a caba ta bisa.