Noord: Diamars den oranan di mainta un patruya di polis ta wordo manda na altura di e veld di Jong Aruba, pas motibo cu tin un pickup basta rato staciona eynan y tabata mustra cu desconocidonan a laga e pickup ey atras.
Na yegada enberdad e patruya ta topa cu e pickup eynan, mesora nan ta controla via e number y ta haya sa na ken e pickup ta pertenece, nan ta bay na e adres, pero e doño di e pickup ta den exterior y elo a laga un amigo cu e pickup.
Despues di un rato polis ta haya e informacion cu e pickup aki a wordo horta for di e amigo di e doño y cu ta esnan cu a joyride e pickup a lague banda di e veld di Jong Aruba.
Polis a dicidi di confisca e pickup pa haci mas investigacion, mirando cu e ta procedente di joyriding. Takelwagen a transporta e pickup pa warda di polis.