64
Noord: Dialuna den oranan di atardi ta sosode un accident cu hende herida na Noord, na altura di Botica Santa Anna, mesora a manda polis y ambulance na e sitio.
Na yegada polisnan a bin topa cu un boksmento di cadena den cual 3 auto tabata envolvi. E chauffeur di e Kia Sportage no a controla su velocidad na tempo y a dal tras di un Toyota Prado, y esaki a bay dal contra e van, cu a baha su velocidad pa bay lora pa bay na e botica.
E tres chauffeurnan mas un pasahero di e van a keda herida, personal di ambulance a trata e victimanan na e sitio.