140
Pos Abou – Diamars algo pasa di 11’or di anochi, patruya di Noord ta bay na pos abou un poco mas pabou di e crusada na Pos Abou, pa motibo cu un auto lo a cay den e greppel y no tabata tin informacion si e ocupantenan lo por tabata herida.
Na yegada, polis ta papia cu e chauffeur, pero e no tabata desea asistencia di Personal di ambulance.
Un Nissan Xtrail color cora tabata bayendo direccion pariba y na dado momento pa un of otro motibo e chauffeur lo a perde control, a hala na su man robes, baha caminda y a bay cay den e greppel.
Polis a keda un rato pa dirigi trafico y despues a bay for di e sitio. Mirando cu ta un auto so tabata envolvi y no tabata tin niun persona herida,polis a sigui su caminda paso e chauffeur lo mester atende cu su compania di seguro.