Kiebro y ladronicia na Digicel Tanki Leendert

Tanki Leendert: Dialuna den oranan di marduga, polis ta wordo manda na Digicel Tanki Leendert pa motibo cu lo tin ladronnan den e negoshi.

Na yegada di e patruya, nan a topa cu e lugar completamente cera y no por a mira paden unda e motion detector lo a detecta movecionnan den e lugar y a activa e alarma.

Den oranan di mainta ora e empleadonan a yega, nan a bin ripara cu ladronnan a drenta den e negoshi via daki y cu e ladronnan a logra bay cu mas di 30 mil florin efectivo y tambe varios cellularnan caro y nobo.

Mesora a pidi pa presencia di polis, polis a tuma datos y a pidi pa departamento technico pa haci mas investigacion. E caso ta bou investigacion.