Home Police “Openbare Dronkenschap” Burachi riba caya ta prohibi pa ley

“Openbare Dronkenschap” Burachi riba caya ta prohibi pa ley

SHARE

Saliña cerca, Noord: Diasabra pa mas o menos 10’or y mey di mainta, patruya di Noord ta wordo manda na altura di Sunny Minimarket, pa un cabayero cu lo tabata haciendo cosnan straño y tabata batiendo su curpa riba vloer, despues nan mire riba vloer patras di e container cu ta bende galiña, Pollo and Chicken Snack banda di e minimarket.

Na yegada di e patruya, enberdad nan ta bin topa cu e homber aki sinta riba vloer patras di Pollo and Chicken Snack, ela bisa polis cu desconocidonan lo a dale, mientras cu ta e mes tabata batiendo su curpa riba vloer.

E agentenan policial a nota cu e tabata basta bou influencia. Ela keda deteni, pa openbare dronkenschap, kemin bebe den areanan publico, su auto a keda para na Sunny minimarket, pa mas despues ora e wordo laga den libertad elo por pasa busk’e.

Na Sunny Minimarket, e agentenan a bin topa cu un otro homber bou influencia, esaki tambe mesora a keda deteni pa openbare dronkenschap y ambos a wordo transporta pa warda di polis na Shaba, caminda nan lo a haya un cuarto gratis pa sosega nan curpa.