Home Police Dos curpa sin bida haya, un den lama ta drief y e...

Dos curpa sin bida haya, un den lama ta drief y e otro riba rif

SHARE

Seroe Colorado: Diamars pa mas o menos 11’or di mainta, algun persona patras di Nanki, a bati alarma na momento cu nan a mira un curpa ta drief riba lama, e curpa a drenta den e boca di Baby Beach.

Mesora polis y Kustwacht a bay na e sitio y a cuminsa cu un buskeda basta largo, algo prome cu 1’or di merdia, kustwacht a localisa e curpa sin bida di un persona masculino

Tambe polis a cuminsa cu un control di auto na e entrada di Colony y a pidi pa presencia di recherche.

E nomber di e victima  ta Rodriguez Garibaldi Alexander nacionalidad venezolano, mesora a pidi pa presencia tur  instancianan concerni na e sitio.

Pa mas o menos 1’or y mey di merdia helicopter di kustwacht ta senjala un otro curpa sin bida riba e rif dilanti di e refineria. E curpa aki tambe a wordo busca y ambos curpa lo wordo hiba na e pier di piscado na Rodgers Beach, unda tur instancia concerni lo ta presente.

Aparentemente lo ta trata di personanan cu lo kier a drenta nos isla ilegalmente. Polis actualmente buskando den e area di Colony y controlando tur auto na e entrada di Colony, pa mira si por tin mas persona indocumenta cu lo por a logra subi tera. Esaki no ta prome biaha cu esnan cu ta purba drenta nos isla na e forma aki ta perde nan bida, den pasado ela yega di pasa caba.

Mas laat lo ta bay tin un update y mas imagen na e sitio.