Home Police Dama bou influencia ta dal su auto contra baricadanan, dilanti edificio di...

Dama bou influencia ta dal su auto contra baricadanan, dilanti edificio di ex texas

SHARE

Watty Vos Boulevard – Diabuebs anochi 10’or pasa polis a haya informacion cu un auto lo a bolter na altura di ex codemsa.
Na yegada di polis nan a constata cu e incidente ta hopi mas pazuid.

Dilanti e edificio bandona di ex Texas, nan ta bin topa cu un auto color blanco marca Hyundai.
Por a wak cu velocidad halto a causa cu e dama na stuur ta dal contra e baricadanan, destruyendo e auto completamente parti dilanti.

Den e auto tawata tin dos criatura, cu un cabayero a bay para hopi mas panort cunan, pa niun hende por wak nan. Na yegada di personal di ambulance cu a bay pa controla e muchanan e cabayero y e dama a nenga asistencia di e personal, bisando cu mas laat nan mes lo hibanan dokter of Poli.

Na varios ocasion polis a puntre si e ta sigur, ela keda para ariba cu si.
Un rato despues cu ambulance a move di e sitio, nan mester a bin bek, paso e dama a dal su cabes y tawata sinti malo.

Na e sitio e dama a bisa un familiar cu a yega, probablemente su tata, cu ela slip debi na e tera.

Polis a bay test e un rato despues, door di lage supla y a bin resulta cu e dama ta bou influencia, pues ela pasa e limite di ųgl cu ta poni den ley.
Polis a detene mes ora y a transporte pa warda.

Aki nan tres factor a hunga un rol, prome, e dama a bebe, di dos velocidad halto y loke nos mes a constata falta di hopi iluminacion.